USLOVIJA TARO ĐIVDIPE E ROMENGORO KO JUG E SRBIJAKORO

Đivdipe ano 20 kvadratija, o ćhavore ko suno dikhena o kupatilo

Kvaliteti taro trajo ani nesavi mahala merinipe sa infrastruktura koja isi ate. Rovljardipe, o manuša taro romane mahale ko Jug e Srbijakoro našti te vaćeren šukar sa buljardi komunalno infrastruktura-asvaltrime ulicencar , panjesiri hem kanalizaciono mreža, a nesave đivdinena ano chera bizi elektrika. Po tikuripnasere ano akava dikhiba isi mahale kote i sa ćherdo. Zalo butipnase, odnosno ko ekonomsko zoralipa , bi laće uslovija za ko bešhiba e Romenđe i najbaro problemi
Đivdipe ano 20 kvadratija, o ćhavore ko suno dikhena o kupatilo
Podeli:

Štar ćherutni porodica Durmišević ani Romani mahala ano Pirot đivdinela ano uslovija kola i bilaćhe e manušenđe, ani jek tikori soba taro 20 kvadratija kote isi but vlaga em bizo kupatilo,  ano ćher kote thavdela o pani ali ko šukaripe taro Savet mesno katanipa ažutnipe tari Dizjakiri uprava o ćher više na thavdela, isile nevo krov, čindo i materijali sar bi i soba renovirinipe hem te krečinipe.

Ani Mesno katanipa vaćerena da ka dikhen te den zori o Durmiševići te dobinen i kupatilo.

Uslovija za ko đivdipa i but phare jer o ćher i purano, o krov thavdela hem o plafoni ka perel. Isiamen elektrika hem pani ali naneamen kupatilo. Pani taćaraja ko šporeti i nanđovaja ki kopana. Muli mi romni ano 42 berš. Akava mažutnipa but delamen dumo jer ka delamen po šukar uslovija za ko đivdipa. Mažutisara za ki Mesno katanipa hem za ke Dizijakiri uprava jer bizo olengoro ažutnipe amen korkore ne bi šaj khanći te ćera”, vaćeri o dad Zvonimir durmišević(45).

I porodica Durmišević lela socijalno mažitnipe hem ćhavorikano dejba ali adavai  ari za ko đivdipe.

Ćheraja buti kad isi, sar bi zaradinava nesavo dinari, te ovelamen marese”, vaćero o Zvonimir.

E Zvonimire isi trin ćhave- Đulijana (15), Mišela (12) i Mirjana (10).

Mangava bi te ovelma po šužo ćher kova i sa ćherdo, te nanđova ko čačikano kupatilo i te ovelma šuži soba”, vaćeri i Mirjana koja i sikavni ko panđto razredi.

Predsedniko taro Savet mesno katanipa “Rasadnik”ani akija mahala Nebojša Petrović vaćeri da zorarde te mažutnin za akija porodica koja đivdini ano phago ćher kova šaj i te pherel.

Beršencar đivdina ani akija sobica. Dinđam krlo za ke Dizijakiri uprava hem sa olengiri finansijsko mažutnipa zorarđam i građa za ko krov. Činđam material te renovirinipe i soba. Sar na ineamen love te ćhina crepi, ćhedinđam love taro manuša ki mahala i taro adala love ćhinđam crepi hem dinađam love e majstorenđe. Ko ćher isi akana krov hem na ka thavdel pani. Damen dumo da ka zoraramen taro humanitarna manuša te mažutnin i za ko Durmiševićija te ćera i kupatilo, sar bi đivdinena ano šukar uslovija nego akana so isilen” vaćeri o Petrović.

Akava i jek taro retka primerija taro solidarnost hem humanost, pa o manuša tari mesno katanipa em lokalno samopuprava zaslužinena šukar lafi te vaćeripe olendar.

Preveo: Zoran Saitović

 


Podeli: