PARADOKS Rroma kola but bersha djivdinena ko Vranje djivdinena ko na legalizuime beshpaske thana

PARADOKS Rroma kola but bersha djivdinena ko Vranje djivdinena ko na legalizuime beshpaske thana
Podeli:

VRANJE – Em ako chache kaj o Rroma but bersha djivdinena ko Vranje, po but olengere khera ano kola djivdinena naje legalizuime thaj opteretime ko hakajesko – imovinake bucha sebepi so naje Plano tari detaljno regulacija, phenela o Zvezdan Ramich taro Rromano kulturako centro ki Vranjsko Banja.

Rroma ko Vranje djivdinena ko 4 beshipaske thana sar soj Dornja Charshija, Panadhurishtem Odjinka thaj Ciganski Rid, a on ulavena pe ko panda nesave po tikne beshipaske thana. Uzaro trin beshipaske thana ki Vranjsko Banja sar soj Ogosh thaj Saglamci ki teritorija taro Vranje isi panda jek ko gav Pavlovac.

Em ako o zvanichno phenipe sikavi kaj ki teritorija tao foro isi 4657 Rroma, phenie taro rromane organizacije tane kaj Rroma isi taro 6 dji ko 7 milje Rroma.

Ko po buderi rromane beshipaske thana isi shikar djivdipaske thana, phenol o Zvezdan Ramich, a samo ko Ciganski rid naje panjeski thaj kanalizacijaki mrezha, a baro problemi na asfaltirimo drom dji akava beshipasko than. Nma, paradokslano taro so o Rroma kola bershenca djicdinena akate naje olen privatno hakaj uprali phuv pi koja kerdje ple khera.

„Sebepi soj e buti adjahar shaj te phena so o Rroma uvek djividndje ko margine taro amalipe, thaj na djanena numa khoni na informirinol olen kaj valjani ple khera thaj e phuv te legalizuinen, thja te ovol olen sa sar valjani,ano vakti kana o avera manusha sa kerdje akaja buti, o Rroma sine tane bizi sikavni thaj chorore thaj na djandje a nashti da sine te pokinen, ako valjandja te pokinol pe ko odova vakti.

Akana basho reso taro akava problemi taro rromane beshipaske thana keraja analiza, ko kova beshipasko than so valjani. Generalno valjani te kerol pe Plano tari detaljno regulacija basho sa o rromane beshipaske thana so sikavi angluno djaipe anglal ko reso taro sa infrastrukturake problemija ko rromane beshipaske thana, palal odova kerol pe Katastarsko-topografsko plani, palo odova plano tari parcelizacija, thaj maj palal imovinake problemija kerena pethaj ovola amen situacija kaj o Rroma ko ple parcele, shaj te roden dozvole thaj shaj te keren uma te renovirinen ple khera“, phenola inzhenjeri tehnologi.

Sar so ov phenol „politikano magipe isi ole bari rola ko akava procesi, ako djanla pe kaj e rromen akana isi plo predstavniko ko sherutnipe taro foro, pachana kaj ka ovol ko reso olengoro djivdipasko problemi.“

Akava drom isi amen politkano mangipe thaj akana ko amare predstavnikija te rodena te o problemi taro rromane beshipaske thana avola ko diveso rndo thaj te reshinipe. Naje problemi te nekaske kero pe kher ko rromane beshipaske thana uzari finansija taro avera donatorija, problem tano te lol pe i dozvola bashi odoja buti bizo koja nijek donatori na mangol thaj nashti te finansiri nijek adhahar projekti. Amen mangaja te o rromane beshipaske thana shaj len dozvola thaj ko plo than te svako shaj kerol po shukar shaipe bashi djivdipe,“ phenola o Ramich.

Milan Zdravković


Podeli: