VRANJE – Na shukar ekonomijake bucha thaj anipe taro dokumentija tari bijandimaski matichno pustik sherutne tane problemija sebepi taro kola po but rromane ćhave naje olen nesavo niveli taro sikljovipe ko Vranje.
Ćlano tari bucharni grupa basho keripe taro akciono plani basho socijalno khuvibe taro Rroma ko sikljovipe, Enver Asani phenela kaj o chororipe jek taro em bare faktori sebepi taro so baro gendo taro rromane ćhave na sikljovena.
„ Basho jek ćhavo valjani te ulavol pe dji o 20 milje dinarija te djal pe ki sikavni. Valjni pustika, karte basho prevoz ssar em te hale. Rromane familije isi olen dji ko duj trin sikavne dji kaj avera isi olen dji o padj. Ko nesave familije kola lena socijala alo ko reso basho pustika numa basho prevoz thaj hajbe dol pe tharja taro kherutno budjeti. Akava nashti ikerol jek chorori famlija sar soj amare rromane familije“ phenela Asani.
Readmisija kerdja panda po phare o shaipe basho sikljovipe taro Rroma sebepi so naje dokumentija thaj naje pherde informacije.
„ Ćhave kola bijande ko avrijalutne bucha naje olen pherdi dokumentacija basho ramosardipe ki sikavni. Em ako ko avrijalutne bucha sikljovenaj, akate valjani olenge nostrifikacija taro diplome, a odoleja astarde o ćhave kola djana ko po telune klase. Thaj adjahar aćhola baro gendo taro ćhave kola naje ramosarde ko fundone thaj mashkarune sikavne.“ phenola o Asani.
Ov phenola kaj naje ulavdo sistemi tari buti basho klase kote isi po but Rroma em ako isi kadrija bashi rromani ćhib. Uzaro odova na valjani te bistrolpe kaj o resorno ministreumi andja phenipe te e rromani ćhib shaj sikljovena o ćhave kote isi baro gendo taro Rroma .
“ Shaipe te o Rroma siljovena rromani ćhib shaj ovol, isi pustika ki rromani ćhib thaj odova gramatika tari rromani ćhib tari jekto dji e oftoto klasa. Kana ko puchipe o Vranje thaj Vranjska Banja isi dji o 400 sikavutne.“ phenola o Asani thaj panda vakerol kaj basho sikljipe taro rromane ćhave but importantno ano kova than djivdinena sebepi taro ćhibjalki barijera.
Premalo podatkija kola isi ole taro pinda Rroma kolen isi agorishimi mashkaruni sikavni buti kerena samo pandj djen, avera ko biro numa kerena buti ki sezona. Uche sikljovipaja isi desh, taro odova gendo kerena buti samo duj.
„ Akava naje shukar egzampli basho rromano amalipe thaj ćhilale dićhola ko ćhave kana valjani te lundjaren o sikljovipe“ vakerol o Asani.
Me phenav kaj valjani te ovol po bari edukacija thaj o manusha kola kerena buti ko siklovipe po but te kerena buti te vazden o morali thaj edukacija taro daja thaj dada prekalo shukar egzamplija taro ćhave kola khuvena ko sikljovipe.
Sar ov phenola anglutni praksa te chidena pe o ćhaja taro procesi taro sikljovipe nakhavdilji. Numa po but olendar na djana dji o agor taro sikljovipe sebepi tari diskriminacija koja isi kana khuvela pe ki buti.
Milan Zdravković
Pratite JuGmedia portal na društvenim mrežama Facebook, Instagram, TikTok i X (Twitter)!
Budite uvek u toku dešavanja!
Pre slanja komentara molimo Vas da pročitate sledeća pravila:
Mišljenja iznešena u komentarima su privatno mišljenje autora komentara i ne odražavaju stavove redakcije portala juGmedia. Komentari koji sadrže psovke, uvredljive, vulgarne, preteće, rasističke ili šovinističke poruke neće biti objavljeni. Molimo čitaoce portala juGmedia da se prilikom pisanja komentara pridržavaju pravopisnih pravila. Takođe je zabranjeno lažno predstavljanje, tj. ostavljanje lažnih podataka u poljima za slanje komentara. Komentari koji su napisani velikim slovima neće biti odobreni. Redakcija ima pravo da ne odobri komentare koji su uvredljivi, koji pozivaju na rasnu i etničku mržnju i ne doprinose normalnoj komunikaciji između čitalaca ovog portala.