USLOVIJA TARO ĐIVDIPE E ROMENGORO KO JUG E SRBIJAKORO

Ani mahala Stočni trg darana zbog i bizuralikani elektrika hem te na našalen pe ćhera (VIDEO)

Kvaliteti taro trajo ani nesavi mahala merinipe sa infrastruktura koja isi ate. Rovljardipe, o manuša taro romane mahale ko Jug e Srbijakoro našti te vaćeren šukar sa buljardi komunalno infrastruktura-asvaltrime ulicencar , panjesiri hem kanalizaciono mreža, a nesave đivdinena ano chera bizi elektrika. Po tikuripnasere ano akava dikhiba isi mahale kote i sa ćherdo. Zalo butipnase, odnosno ko ekonomsko zoralipa , bi laće uslovija za ko bešhiba e Romenđe i najbaro problemi
Ani mahala Stočni trg darana zbog i bizuralikani elektrika hem te na našalen pe ćhera (VIDEO)
Podeli:

Ani niško romani mahala Stočni trg, jek i tari najbari romani mahala ani diz ki Nišava, po buderi sokaci i asfaltirime ili betonirime, isi panjesiri hem kanalizaciono mreža, ali e romen mučini –elektrika.

 O Napon i tikoro, a naročito prekalo jevend. Našti te ćerel buti ni o električno šporeti ni frižideri niti bojleri. Pani za ko nandžojba mora te taćara ano loncija ko šporeti ko kašta” vaćeri za ki Jugmedia o  Salih Ibišević tari akija mahala.

Ov sar vaćeri , problem i idava so o električna kablija ani akija mahala i purane, a o strujomerija nane zoralikane pa kad dela ari po baro bršin  onda nane elektrika.

“Kad dela bršin, ano strujomerija kola i ki bandera počnini te pharjol em te varničini i oinda na aćhola elektrika. O strujomerija bi valjani te menjinenpe  i svako ćher te ovele olesoro strujomer, a na ađahar po panđ , šov ćera ko jek strujomer pa nađana ko kozom trošini i ko kozom valjani te tel love” dodela o Ibišević.

 TOPOLE IZAZIVINENA STRUJNA VARNICE

Okova sostar e romen tari akija mahala dela dukaviba ko šero i o purane topole kola šaj te peren, problem kolese na valjani ni po but love ni dive te rešinipe.

Senad Alijević kova đivdinel ano kotor i mahala Stočni trg sa po baro numero topole, vaćeri da on i po buderi bizi elektrika jer o šuke grane kola pađona taro topole perena ko žice.

Daraja da ka našala amare šere zbog adala topole. Akala dive phudinđa barval i pele trin kašta. Našti amen akava korokore te rešina, a na đana ko šaj te delamen dumo”, rovljaripe o Alijević

Iako kad đerdinipe ani mahala dićhona nesave tikore deponije gunojesere, oi mahala dićhola šukar hem čisto. Ko droma samo nesavi našaldi papuča ili igračka, jek lil i khanči aver. O sokaci na khandena sar ki aver niško mahala Loli Čereni.

Po buder manuša taro Stočno trg đivdinena taro ćhediba hem bikniba sekundarna sirovine.Dragana Mirović vaćerđa da ki mahala Stočni trg đivdinena phare na adalese so o ćhera hem o droma  nane šukar, nego zbog o čororipe.

Me hem mo rom đivdinaja tari olesiri penzija 10.000 dinarija, Ov i invalidi ćhinde olesere solduj pre, me injum phuri, našti te ćherav buti. Trpinaja bokhale zbog i tikuri penzija, na adalese soi amari mahala bilaćhi”, vaćeri akaja romni.

 DAR TARO AUTO PUT HEM TE NA NAŠALEN O ĆHERA

Olakiri komšika Silvana Salić vaćerđa da e manušen tari mahala daravela i o vaćeriba da nesave ćhera ka valjani te pheravenpe sar bi ćherelape o auto-put.

Vaćerena da ka frdenamen ki mahala koja ka vazdelpe zalo Medoševac. Adava  šukar, ali samo ako leljam ćhera, te oven amare, a na daja te pheraven akala ćhera a te denamen nesave kote ari te đivdina. Ako amare ćhave našti ate te aćhoven kad ka mera me hem mo rom, na đaja onda nigde akatar”, vaćheri i Salićeva.

 Ipak, okova so na đanelpe ani niško mahala Stočni trg, i adava olesoro tačno numero, kozom roma đivdinena ate. Korokore o roma proceninena da ate isi maškaro 150 hem 250 ćhera.

Premali statistika , ano Niš đivdinena ki jak 6.000 Roma, ali o procene taro manuša e dizijakere vaćerena da isi ko najtikuripe 25.000 Roma.

Prevo: Zoran Saitović

 


Podeli:

Odgovori

Budi prvi koji će komentarisati!

1000
wpDiscuz