Thanebešutne tari romani mahala ani Leskovca beršencar mangena te ikalenpe za ko osnovna uslovija za ko đivdipe nem bešutnipe-za ko asfaltiririme dromija, kola i perde xuv, a bare havarije, parjona panjesere hem kanalizaciona cevija kola panjarena olengere ćhera hem o podrumija, samo i kotor taro problemija kola i phandle sa asfvalt, koleja arakhenape akala Leskovčanija.

Sve lokalne vlasti su godinama, pred izbore, obećavale potpunu rekonstrukciju ulice i renoviranje infrastukturne mreže

Angleder 6 berš ki akija mahala anglo ćher tari dešeđenengiri familija Moljić ano drom Radanska talo Hisar ani Leskovca pharilo e panjesoro cevi, a tari zorali eksplozija ano vazduho frdinđa phari baresiri ograda, i taro adava dive khanći ni ćherđape.

Ćher taro Ramadan Ibraimović ani Sat Mahala i sa pnjeja ućhardo, o podrumi ano bilaćhipe, taro kašta thavdela pani, i sa adava zbog o havarije hem so pharjona o purane panjesere cevija kola  buderi nakhino o trajo olengoro.

“Palal biš berš amen ovavena! Svako alosariba kad avel dena lafi da ka rešinen amare problemija ali nikad na ćherdola. Sa ađahar aćola, amen sa kofencar svako dive dežirinaja ano podrumija hem ikalaja o pani da ne bi ućhariamen” rovljaripe amenđe akava manuš.

Paluno bibahtalo mangipe te rešinipe akava but bare problemija taro manuša ko akava kotor tari diz i Leskovca inele avdisutno Dizikanošerutno Goran Cvetanović prekalo IPA Programi tari Evropsko Unija kova dikhljape ko anglalipe o đivdipe e Romengoro, a ko drom te ćerenpe o mahale hem i infrastruktura. Agor adava projketi na nakhino.

“Amen injamle rangirime jek tan tele tari crta.Okova kurko trebujinđam premali Kancelarija za ko javno ulaganje Republika Srbijakiri adava isto projketi ano isto love sar so inele , i ađićeraja olendar  informacija. Na aćhađam adava!”,vaćheri o direktori tao javno preduzerće “UrbanizamiI izgradnja” Milenko Milenković.

Akale projekteja, kova aćhola 50 milonija dinarija,dikaja te ćhera rekonstrukcija panjesiri mreža ano drom Zeke Buljubaše koja i bari 303 metrija o drom Prečka kova i baro 328 metrija hem te zameninipe o pandiba ani romani mahala Podvorce.

Programi dikhljarđa i irekonstrukcija panjesiri mreža ano severno kotor ko Radansko drom ano buljariba taro 230 metrija, sar i ko drom Sutjeska ko buljariba taro 280 hem o drom Ilindenska ko buljariba taro 192 metrija, sa zamena o phandiba ko akava kotor ki mahala Sat mala. Ani Direkcija vaćerena da dihljarđape hem te ćherelpe i atmosfersko kanalizacija ko buljariba taro 478  metrija ko severno kotor ko drumo Radanska hem ko drom Sutjeska, i rekonstrukcija o drom za ko vrda ano buljariba taro 516 metrija.

Agor, palune berša praksa traro šerutne ki Leskovca uli te na sfaltirinen hem te na ćheren o droma angleder nego so ka ikalenpe o purane azbesna panjesere cevija i te ćhivelpe nevi kanalizaciono mreža, pa sa dok na zorarenpe love za akaja buti, đi tad o roma tari Sat Mahala mora te peravenpe ko hva ko asfalt kova nane, hem kova nakhino ku phuv.

Prevod: Saitović

Stavovi izneti u podržanom medijskom projektu nužno ne izražavaju stavove organa koji je dodelio sred