Iako i  mahala Pavlovac zali Vranja uli fizički ulavdi ano duj mahale tari levo hem desno rig taro purano drom za ko Bujanovac hem sa pružno barijera, manuša ano leste sungaren isto paro vazduho kova avela taro septička jame hem kanalija kola i perde sa gunoj.

„Adava sungal taro septička jame olinaj i odobor baro, da manušese perela pharipe pese ko boro. Mangikane ki terasa avrijal ko Kham pijaja kafa, a ko soste te uživina, kad ni o  džamija na smina te phrava taro khandiba“, rovljaripe o Goran Ajdarević, pindeberšengoro muzikanti dok phiraja ko drom maškaro ćhera.

Ki akaja mahala đivdinena o Roma, bize panjesiri mreža hem kanalizacija, a svako ćher isi pobut cherutne manuša.

“Adalese so nane panjesiri mreža, mora te đa đi i Vranjsko Banja te nanđova. Ko kurko po duj trin puti, linaj ili jevend, bešava ano vrda , nakhava po deš kilometrija samo te ovav sar manuš. Đivdo injum, ćherava buti, maškaro manuša injum,  a sar ka ovav ako na ićherava higijena, pućhelape amaro pučavno.

PANI HEM KANALIZACIJA SAR NAJBARO VALJANDIPA

 Dikhipe taro ćhera rangxamikanes, taro ćhera sa nevi stolarija, betonska, satrnikane hem kaštunale ograde, đi o vazdime spratija hem tikore ćhera. Sarijenđe i katane da isolen poljska ćenefija ano plo boro. Ko drom pratinelamen bilaćho sungal kova avela tare lenjakoro kanali kova nakhela zalo drom.

“Amenđe akate falini pani hem kanalizacija, a o đivdipa nisavo nane. Niko tari diz na avela te dikhelamen, te del lafi za ko rešenje za ko amare problemija. Setinenape amenđe samo kad i alosaribe, kad interesuinlen olengoro interesi. Akate ekvaš ćhera nanolen kupatilo , a i so valjaniolendje, kad našti te koristinenlen”, vaćeri o Žika Bećirović kova pučelape sar šaj ano gav kova i trin kilometrija dur te ovelen panjesiri mreža a ke olengiri mahala nane.

 Đivdipe bizo pani nane šukar, pa o zori terini manuše te arakipe ko sar đanel. Adalese but baro kotor taro munušengoro isilen olengere pumpe ano boro kotar lena pani.

“I amen so isiamen pani na đana da li šukar adava pani. Kad pheraja ano flaše ćhedelape nesavi hurdi pošik a adava pijena amare ćhave.Dentumen godi te ikalen pani kova ikljola paše zalo WC-e. E dava i svako dive akate, rovljardo i o Sebastijan Rašitović,dok o ćhave tari mahala vaćerena da zbog adalese mora te pijen sokija kolendar i još po buder trušale.

 Ani Mahala, sar so vaćerena o manuša kad i lafi taro Roma tek duj đene samo ćerena buti, dok po baro numero taro roma bašalena, avera đivdinena  tari sezonsko buti ki Šumadija hem Vojvodina.

ŽUTICA

Manuša taro akala duj mahale rovljarenape i so ćhinavena olengiri elektrika , so adava dela dumo ko olengere problemija za ko pani, a sa katane rezultirini ki namborma tari-žutica.

“Akate elektrika nane ni po duj dive. Kad naneamen elektrika naneamen ni pani, ali isi žutica. Okova berš inele zarazime štar ili panđ ćhera , šaj adava i adalese o gunoj frdime zalo trin jekhutne kontejnerija ano akava gav. Ikalenape jek puti ko kurko, a amen adalese ko masek daja 550 dinarija, so platinaja ako o gunoj isi, kao da o kontejnerija nane ate., retorikano i o Bećirović.

O Vićiba tari olengiri phari sudba arakhi drom i đi o anglune manuša ano raštikane institucije, nakhavde sa oljaniba adalese sar ponašinenape adala manuša kola ćherena buti ko adala institucije, kola sar vaćerena , ćute phage kontejnerija , a kola palo alosariba mangle te cidenlen, ko soste o manuša uštine i akana adala kontejnerija pašljovena tele, a o gunoj zalo oleste.

“Đaja redovno ko biro, ali amen niko nikad na vičini. Adalese sikljovaja ko instrimentija , akate ko drom, neko da bi dikhelamen, te zaradina nesavo kotor maro”, vaćeri jek terno manuš hem sar so vaćeri da amalipe isi samo prekalo dive , jer raćhate i zalo dromesere sijalice nane roslipe ko bandere.

Zalo ćermuse akate isiamen i baro problem i džuklencar kola daravena e ćhavoren. Račate i amen daraja te ikljova, a dentumen godi sar i e ćhavorenđe kad avena tari sikavni”, vaćeri o Bećirović i dodela da prijavinđa o problem kova isi sa e džukle ali niko nikad tare komunakere manuša na alo  i makar jek pharipe te rešini.

Terne jekhutne dikhena o rešnje ano azil ani nesavi zapadno phuv. Vaćerena da isilen volja te ćeren buti ali da nane kote.

Jevend akate anela po baro problem za ko manuša, jer o pani tari pumpa dolela ledo ko jekutno šil. Adalese so nanolen buti nanolen love za ko kašta pa arakhenape ađahar so ćhinena o vrbe zali Morava

 „Isima namborme romni kola ine operacija taro karcinom ki čući, lelja i hemoterapija, a i komisija penela da i sposobno za ki buti. Maje na dinde socijalno jer isima vrda”, oljame vaćeri o Ajdarević kova mangela te delamen godi kozom i pharo o đivdipe, olese hem olesere romenđe.

“Jel valjani te vičinav taxi kad o ćhavo nabrosaljola. Tiketi ko dizikano prevoz ano solduj riga i 150 dinarija, Đi kad, te đa đi i diz samo đi o doktori valjani amenđe samo 500 dinarija, a me za ko 300 šaj te ćhorav plin i te đav i te avav kad me mangava, potencirini o “bilaćhipe”

Nakhaviba o auto-put ko Koridor 10 , zalo purano drom, anđa olenđe sar so vaćerena o roma tari akija mahala  samo problemija.

 “O Ćhavore valjani te prastan prekalo drom kote o vrda jurinena 100 ko sati , sar bi đana đi i sikavni. Daraja svako dive olenđe, za ko olengoro zoralipa”, vaćeri o Bećiri.

ŠERUTNE ĐANEN O BILAĆHIPE ALI…

Dejan Bajramović, membro Dizijakoro Vranje za ko nacionalna manjine, etnička katanipa hem amalikane organizacije, vaćeri da i o probelmi sa komnalno infrastruktura kolaja i dukhavde o Roma ani Pavlovca bari. Hinele, lafi, nesavo projekti taro 2006.berš sa targeti te anglarelpe o uslovija bešiupnasere ali na inele političko volja.

“Sa nakhaviba o nevo auto put valjanela adava plan taro projketi te revidirinipe, jer jurisdikcija taro nesave kotora akana isilen o Putevi Srbije so po but komplikujinipe akaka”, vaćeri o Bajramović kova isile stav da čače valjani te cidenpe taro mulo than, jer ništa na ka rešinipe korkoro pestar.

“ Čačikane i da o pašutno Neredovac isile pani ali našti te đerdinav ani nesavi materija koja na đanav, ko savo način adala cevija šaj te anenpe đi o Pavlovac hem Rotaje. Okova so i čačikane i diz našti korkori te ikali sa adija investicija, za adava valjani amenđe sufinansiriba hem pomoć taro donatorija”, vaćeri o Bajramović.

Akava dizijakoro membro vaćri da nesavo vreme bavinipe sa dokumentacija taro mahale kote đivdinena o Roma, ov vaćeri da delape zori da svako plan pherel nesave lilencar kola valjani sar bi o mahale anela ano zakonska ramija jer bi adaleste generišinipe o preblemi.

 Dok adija buti na završinipe o roma taro solduj mahale ano Pavlovac zali Vranja sar pobuder beršenacr đivdinen bizo pani hem kupatilo, ani dar tari rat hem ko khandiba.

Piše: Milan Zdravković

Prevod:Zoran Saitović