NISH– Rromano amalipa tano ko jek lungo drom tari emancipacija thaj kulturaki reformacija. Me sijum jek taro but ebroake rromane aktivistija kola kerena nevi rromani politika – phenola bashi Jugmedia

Osman Balich, sherutno taro YUROM centar thaj jek tarp em pendjarde manusha kola marenape basho hakaj e rromengo ki Srbija.

„Sijuma, mashkaro sa avera bucha, sherutno ko Zavodi basho informaciona tehnologije ko MIN, a adjahar buti kerdjum ki Australija. Sijum jek taro djandle manusha taro MIN gas kola ko vakti taro sankcije kerdje shukar buti thaj kerdje 64 kilometrija lungo gasovodi taro Pojate dji ko Nish“, phendja o Balich.

Politikani karijera startuindja ko 2000. bersh ko okviri taro Savezi taro reformsko zor.

„ Ko talasi taro politikano menjipa uljum manush so dol godi ko nevoformirimo Ministreumo basho manushikane thja minoretetijenge hakaja, a ko jek vakti sijuma teloprezidento tari guverna ki komuna Nish“, phenola o Balich.

Ko odova vakti startuindja seriozno te kerol buti ko puchipa e rromenge sar sherutno tari NGO YUROM centro.

„ Mo dad Sait Balich kerdja YUROM centar ko 1988.bersh. YUROM centro tani naguvernaki organizacija koja kerdja but akcije thaj kerdja buti te anen pe but strategije basho rroano amalipa“, phenola o Balich.
Pod okriljem Jurom centra, a uz pomoć Fonda za otvoreno društvo osnovano je više od sto romskih nevladinih organizacija.

Telal o YUROM centro, uzaro azhutipa taro Fondi basho putrdo analipa ule po but taro shel NGO.

„ Anglune mmodelija taro pedagoshkok asistentija amen kerdjam, anglune medijatorke basho sastipa, koordinatorija ko komune. Amen kerdjam inicijativa te kerol pe than basho anglosikavutnipe taro rromane chave. Akana keraja buti ko phravipa taro puchipa taro arakhipa ko rromane bishipaske thana. Basho shov, efta chon ka oven amen 19 nevokerde thaj registrime vatrogasno amalipa“.

Ko YUROM centro, sar so phenol o Balich, ko svako dive kerela pe lafi taro neve ideje.

“Na sve ono što mi radimo treba gledati kao na nacionalni pokret, kulturni nacionalni pokret koji traje već 60-tak godina u celoj Evropi, a epicentar je, smatram u Jurom centru“.

„ Ko sa so amen keraja valjani te dikhol pe sar ko nacionako pokreti, kulturako nacionako pokreti kova djivdini 60 bersh ki sa e Evropa, a epicentri, phenava kaj ko YUROM centro“.

Sar so phenol o Balich o Rroma ki amari phuv na valjani te sikavena pe sar viktime. „Gndinava kaj sijam jek manushikanipe kova djala anglal, jek taro em terne evropake thaj jek taro na but manushikanipa ki Evropa kova tano ko prosperiteti“.

O Balich phenol kaj taro 2000.bersh, kana ulo te dikhena ole sare sine ole podikeripa taro manusha, thaj odova da em but taro srbikano amalipa. A podikeripa sine ole em tari oleski rromni, ćhaj thaj ćhavo.

„ Na sijum sigurno kaj on, ako mangena da te nashen taro teme kola tane phanle basho rroma , odova shaj ka keren. Odola teme thaj vaspitanje tane uvek ki familija. Amen nabut droma keraja lafi taro avera teme“, phenola o Balich.

E Osmaneske amala thaj manusha kola oleja kerena buti phenena kaj olesko djivdipa tano te kerol buti dive thaj rat.

Biljana Ljubisavljević

Prevodilac Turkijan Redžepi