LESKOVAC – Dji ko 5 % taro ćhaja kola tane rromnja ko Leskovac panda khuvena ko prandipe premalo kontarkti bizo shaipe te on odova na mangena, phenena tari NGO „ROSA“.

Lafi ovol taro ćhave kola djana ki 6. thaj 7. klasa, sebepi taro odova akaja organizacija ko fundove sikavne „Svetozar Markovich“ thaj „Vozhd Karadjordje“ taro Leskovac, „Radovan Kovachevich“ Taro Lebane, „Stanimir Veljkovich – Zele“ taro Bojnik thaj „8. oktobri“ taro Vlasotince kerdje projekti „Preventiva te aćhavena pe o prandipe ko ćhave thaj ćhaja ko Rroma ko Jablanichko okrugo“.

„ Olende khoni na puchol da li odova mangena numa na. O daja thaj o dada nashkar peste anena jek lafi, a on nashti phenen khanchi. 100 daja thaj dada thaj 200 ćhaja kola naje olen 18 bersh ka oven sikavde prekalo vakeribe thaj radionice ko akala teme „Ćhavorakane prandipa“ thaj „Djandipe, vakeribe taro rromnja kola lilje ko terne bersha rromen“, kola ka oven odikerde ko fundone sikavne, centrija basho socijalno buti thaj rromane beshipaske thana, phenela i koordinatorka Laura Saitovich.

Oj phenola kaj e situacija ovol po shukar thaj sa po baro gendo taro terne ćhaja agorishinen o meshkarune sikavne thaj lena rromen palo odova, numa o prandipe ko kontrakti mashkaro ćhave, isi sar praksa ko nesave Rroma.

„ Akale projekteja ka keren pe duj dokumentarna filmija kola ka sikavena e djandipe taro rromnja kola lilje ko tikne bersha rromen, thaj djuvlja kola gele ki sikavni thaj isi olen pli karijera“ phenola i Saitovich.

Projekti kova finansirini EU, Guverna tari Shvajcarsko thaj Guverna tari R. Srbija prekalo programi Evropski Progres, isi bash cilj te keren preventiva ko terne rromnja thja rroma, sar em olengere daja thaj dada, sar te aćhavena pe o anglovaktese prandipa.

(Kraj)