LESKOVAC – Sar Sastippnasiri medijatorka ko Kher Sastipnasoro ani Leskovca Laura Saitović zorarđa te buljari majbuderi šelengero trajipe Romengoro ko akija Diz a momentalno ple romeja marelape protiv o terne lindipe ki romani katanipa.
Ko buljariba i godi tari romani populacija taro adava dai I on ravnohakaja ko amalipa nakhaji već beršencar a ćherela baro anglalipe te paghel o predrasude . ali adalese I diskriminacija osetinđa ki pli koža I adava ko način kosavo najbut dukhala-kad neko “khuvela” ko tlo ćhavo.
“Amari ćhaj i Sabrina dinđa ki buti sar apotekarka I inele but bahtali kad lelja korkori te zaradini za ko plo trajo hem te lelpe korkori.Ali, palo nesavo dive o manuš kasri uli i apoteka dinđa godi da I oj romani hem lelja te mobinguinla sar bi oj korkori aćhaji I buti. Na manglja romanja ćhija pese ki apoteka. Nažalost I ćhaj na beštini ki buti ni masek dive, aćhađa i buti I cidisali adathar.Avdive na ćherela buti khatinde I na dela godi phanajekvar te del ki buti sar ne bi nahela isto golgota so nakhini”vaćherđa amenđe e Laurakoro rom o Zorane.
I Laura I holjami, ali na aćhola te marelpe sa predrasude hem đala anglal sa plo mariba za nesavo šukar anglalipe za pli katanipa.
Dikhen o dokumentarno filmi tare Laurakoro trajo, koja uli i terni baba. Sar nakhelolaće o dive ki buti, ćhere, savi I ćherutni romni hem sose olaće najbari podrška olakoro rom hem olakoro ćhavo kase avdive trajini.
AKO AMEN NA ARAKHAMEN KORKORE NIKO AVER NA KA ARAKHELAMEN
Mobilno tim za ki inkluzija e Romengiri, kote i Laura član, obrazuime i 2014.berš ki odluka taro Gradsko veće a olesiri uloga I anglarel o socioekonomsko statusi e Romengoro ko sikavnipa, bućharnipa sastipa hem socijalno zoralipa.
“Amen pomognina e Romenđe te menjinen ple navike I preventivno de delujinen kop lo sastipa. Te na lečinenpe kad avela o nasvalipa već te ćhinaven angleder , jer sa o sukaviba mothoji da but baro procenti Roma kola nasvaljona taro kardiovaskularna nasvalipa hem nasvalipa taro dijabetis”, vakeriamenđe i Laura soi olakiri buti.
Esavke Mobilna timija funkcionišinena ko 20 komune ani Srbija, a olengiri uloga uli te anglaren I komunikacija maškari romani katanipa hem relevantna institucije kova ućhari ani rota I buti taro adava Tim.
ANO ZORALO MARBA PROTIV “TERNE BORJA“
Ple romeja e Zoraneja . prekali olesiri amaikani Organizacija “ROSA” anglalcherđa jekutno projekti ko alava”Preventivno deluiba ano targeti te ćhinavenpe o terne prandima koro roma ano Jablaničko Okrug”
Olakoro mariba protiv o lafesere prandima taro tokore beršengere roma, sa okola kola i purane 15 , sa olengoro jeri , naodadžije, upravo ćerečlape.
“Ko edukativna radionice vakeraja ko sastipnasere, ekonomska hem socijalna problemija kad o ćhave dena ano terno prandima hem sikavaja so šaj o chave te len sa sikanvnipa hem bucharnipa”, vaćeri i Laura.
Proceninipe da ani Leskovca isi oko deš milje roma sa o natalitet ova I ko baripe. Do skoro inele ki rig politički hem ćerđe samo tikore jerjesiri buti, bikniba. Zanateja…..Jek rik tari terni populacijaćerena buti ko javno komunalno preduzećija.
Terne roma adava mora te đanen hem te motivišinenpe te len aktivno rik ano amalipa.
Tekst hem dokumentarno filmi realizuime I ano rami o projekti” „Informativna inkluzija Roma za bolji život na jugu Srbije“,, kova finansirinipe tari rig o Ministarstvo culture informisanja taroiRajipen Republika Srbijakiri, a isilen za ko targeti te prezentuini romaen kola I uspešna taro Jug srbijako za sa o čitaocija a sa ano targeti te tiknjaripe i diskriminacija.
Dragan Marinković
Pratite JuGmedia portal na društvenim mrežama Facebook, Instagram, TikTok i X (Twitter)!
Budite uvek u toku dešavanja!
Pre slanja komentara molimo Vas da pročitate sledeća pravila:
Mišljenja iznešena u komentarima su privatno mišljenje autora komentara i ne odražavaju stavove redakcije portala juGmedia. Komentari koji sadrže psovke, uvredljive, vulgarne, preteće, rasističke ili šovinističke poruke neće biti objavljeni. Molimo čitaoce portala juGmedia da se prilikom pisanja komentara pridržavaju pravopisnih pravila. Takođe je zabranjeno lažno predstavljanje, tj. ostavljanje lažnih podataka u poljima za slanje komentara. Komentari koji su napisani velikim slovima neće biti odobreni. Redakcija ima pravo da ne odobri komentare koji su uvredljivi, koji pozivaju na rasnu i etničku mržnju i ne doprinose normalnoj komunikaciji između čitalaca ovog portala.